اسلام آباد(مانیٹرنگ ڈیسک)شہباز شریف کی نیب کے ہاتھوں گرفتاری کے بعد پنجاب حکومت کا بھی مؤقف سامنے آگیا، شہباز شریف کی گرفتاری سے اظہار لاتعلقی، نیب آزاد ادارہ ہے، ہمارا کوئی عمل دخل نہیں، صوبائی وزیر اطلاعات فیاض الحسن چوہان۔ تفصیلات کے مطابق شہباز شریف کی نیب کے ہاتھوں گرفتاری کے بعد پنجاب حکومت کا بھی مؤقف سامنے آگیا ہے اور شہباز شریف کی گرفتاری

سے اظہار لاتعلقی کرتے ہوئے صوبائی وزیر اطلاعات کا کہنا تھاکہ شہباز شریف کی گرفتاری میں پنجاب حکومت کا کوئی کردار نہیں، نیب ایک آزاد ادارہ ہے اور وہ اپنا کام کر رہا ہے، فیاض الحسن چوہان کا کہنا تھا کہ اس گرفتاری کا ضمنی الیکشن سے کوئی تعلق نہیں۔ ہمیں سب پتہ ہے کہ کس کس ادارےمیں کرپشن اور بدیانتی ہوئی ہےتاہم اس گرفتاری سے پنجاب حکومت کا کوئی تعلق نہیں۔

موضوعات:شہباز شریف گرفتاری فیاض الحسن چوہان