جہلم(سی پی پی )سابق وزیر اعظم محمد نوازشریف آج (پیر کو ) جہلم میں جلسہ عام سے خطاب کریں گے جس کیلئے ضمیر جعفری سٹیڈیم کو خوبصورت طریقے سے سجا دیا گیا ہے جبکہ اس میں ہزاروں کرسیاں اور جلسہ گاہ کو خوبصورت بنانے کیلئے فلیکس لگائے گئے ہیں جبکہ مسلم لیگ ن کے ارکان قومی اسمبلی نوابزادہ راجہ مطلوب مہدی خان،چوہدری خادم حسین،نگہت پروین میر،ارکان پنجاب اسمبلی راجہ محمداویس خالد،چوہدری لال حسین،

چیئرمین ضلع کونسل راجہ قاسم علی خان جالپ ،وائس چیئرمین ضلع کونسل ڈاکٹر بشیر احمد،چیئرمین میونسپل کمیٹی حاجی مرزاراشد ندیم جرال،وائس چیئرمین چوہدری مقبول حسین،بلال اظہر کیانی ،تمام یونین کونسلز کے چیئرمین ،کونسلرز،معززین ،،مسلم لیگ ن یوتھ ونگ،شعبہ خواتین ،ضلعی صدر و جنرل سیکرٹری چوہدری محمد بوٹا جاوید،حافظ اعجاز محمود جنجوعہ،سٹی صدر شاہد رسول ڈار،شیخ شکیل احمد،ایڈیشنل سیکرٹری جنرل خان ظہیر خان،کونسلرز منیر احمد تارڑ کے ساتھ ساتھ تمام کونسلرز ،عمائدین ،وکلا ،تاجر جن میں سینئر راہنما میجر محمد آصف ،شیخ محمد جاوید،ملک محمداقبال،عبدالرشید بٹ،شیخ ندیم اصغر،شاہد جلیل سیٹھی،،خورشید احمد،،وسیم شکور بٹ،زبیر خان،ملک ندیم،حاجی ملک انعام الحق،اس جلسہ کو پروقار بنانے کیلئے ہمہ وقت اپنے حلقہ کے لوگوں کے ساتھ اس میں شمولیت کرنے کیلئے حکمت عملی بنارہے ہیں یقیناًاس جلسہ میں رکن قومی اسمبلی نوابزادہ راجہ مطلوب مہدی خان ،نوابزادہ راجہ طالب مہدی خان،رکن پنجاب اسمبلی چوہدری لال حسین اور مسلم لیگ ن کے سالار لشکر سابق رکن پنجاب اسمبلی چوہدری ندیم خادم کے مطابق اس جلسہ میں عوام کی کثیر تعداد شریک ہو گی اور انشا اللہ آئندہ آنے والے انتخابات میں ہماری جماعت ضلع میں پھر کلین سویپ کریگی۔

دریں اثناء قائد پاکستان میاں محمد نوازشریف کے جلسہ میں کونسلر بلدیہ منیر احمد تارڑ ،،مریم نواز کو 100تولے سونے کا تاج پہنائیں گے جو کہ تیار کروا لیا گیا ہے ،اس پر بات کرتے ہوئے منیر احمد تارڑ نے کہا کہ مسلم لیگ ن کے تمام کارکن ہمارا سرمایہ اور اثاثہ ہیں جبکہ جلسہ گاہ میں صبح 11بجے حلوہ پوڑی سے جلسہ میں آنے والوں کو ناشتہ کروایا جائے گا جبکہ تفصیلات سے آگاہ کرتے ہوئے منیر احمد تارڑ نے بتایا کہ جلسہ کو کامیاب بنانے

کیلئے سامعین کیلئے 100دیگ بریانی جبکہ 250بکرے اور 30بیل کے ساتھ ساتھ 10ٹرک نیسلے منر ل واٹر آچکا ہے ،اس موقع پر منیر احمد تارڑ کے ساتھ چوہدری عثمان مقبول ،سید حسن رضا،محمد صدیق،عمران نیاز،غفار خان،وسیم خان،اظہر اقبال ڈار،اسد خان اور چوہدری محمد حسین بھی موجود تھے ۔منیر احمد تارڑ نے بتایا کہ جلسہ شروع ہونے سے پہلے قائد پاکستان میاں محمد نوازشریف کا آتش بازی کر کے فقید المثال استقبال کیا جائے گا

اور جلوس کے گزرنے کے تمام راستوں میں سینکڑوں شربت کی سبیلیں لگائی جائیں گی انہوں نے بتایا کہ بلاشبہ اس جلسہ کو دیکھنے کے بعد پی ٹی آئی سمیت تمام جماعتیں سیاسی میدان سے پرواز نہیں کر سکیں گی جبکہ (آج) جہلم کے ممتاز سماجی اور سیاسی رہنما محمدآصف اور عبدالوحید بٹ ،محمد بٹ،عبداللہ بٹ،عوام میں جلیبیاں تقسیم کرتے رہے اور لوگ میاں دے نعرے وجن گے ،سارے فصلی بیٹرے نسن گے کے نعرے لگاتے رہے جبکہ لوگوں کا جوش وخروش دیدنی تھا۔

موضوعات:مریم نواز نوازشریف