اسلام آباد (مانیٹرنگ ڈیسک) معروف صحافی اور تجزیہ نگار ڈاکٹر شاہد مسعود نے ایک نجی ٹی وی چینل کے پروگرام میں سابق وزیراعظم نوازشریف کے بارے میں دعویٰ کیا کہ پاناما کیس منظر عام پر آنے سے قبل سابق وزیراعظم نواز شریف نے ایک بیرون ملک کا خفیہ دورہ کیا تھا۔ انہوں نے کہا کہ سابق وزیراعظم نواز شریف کے خلاف اس نئے معاملے کی تحقیقات شروع کر دی گئی ہیں۔ ڈاکٹر شاہد مسعود نے کہا کہ پاناما کیس منظر عام پر آنے سے پہلے نواز شریف

نے ایک ملک کا خفیہ دورہ کیا تھا اور سابق وزیراعظم نواز شریف پاناما کیس کے فیصلے سے پہلے جس ملک کا دورہ کیا وہ ملک مالٹا ہے۔ سابق وزیراعظم نواز شریف کا یہ دورہ نہایت خفیہ تھا، ڈاکٹر شاہد مسعود نے کہا کہ نواز شریف اور ان کے بچوں کو معلوم ہو چکا تھا کہ پاناما سکینڈل منظر عام پر آنے والا ہے۔ معروف صحافی و تجزیہ نگار ڈاکٹر شاہد مسعود نے کہا کہ سابق وزیراعظم نواز شریف کے خفیہ طور پر مالٹا جانے کی تحقیقات شروع کر دی گئی ہیں۔

موضوعات:ڈاکٹر شاہد مسعود نواز شریف کا خفیہ دورہ