اسلام آباد(مانیٹرنگ ڈیسک)کوروناوائرس کے سبب انڈونیشیا نے اپنے شہریوں کو اس سال حج پر نہ بھیجنے کا فیصلہ کیا ہے۔ انڈونیشیا کے وزیر مذہبی امور کے مطابق شہریوں کو حج پر نہ بھیجنے کا فیصلہ کورونا وائرس اور سفر پر عائد پابندیوں کے تناظر میں کیا گیا ہے۔قومی اخبار کے مطابق سعودی حکومت نے اس سال حج کے ہونے یا نہ ہونے کا اب تک فیصلہ نہیں کیا ہے

امکانی طور پر اس سال مناسک حج جولائی کے آخر میں ہوگا۔ان کا کہنا تھا کہ یہ بہت مشکل اور سخت فیصلہ تھا۔ تاہم شہریوں اور حج کارکنان کا تحفظ ہماری ذمہ داری ہے۔ واضح رہے کہ اس سال 2 لاکھ 20 ہزار انڈونیشی باشندوں کو حج پر روانہ ہونا تھا۔انڈونیشیا میں کوروناوائرس سے ایک ہزار 663 اموات ہوئی ہیں، جبکہ 27 ہزار 549 کورونا وائرس پازیٹو کیسز رپورٹ ہوچکے ہیں۔

موضوعات:انڈونیشیا نے اپنے شہریوں کو اس سال حج پر نہ بھیجنے کا فیصلہ کوروناوائرس