مڈغاسکر( آن لائن )افریقی ممالک میں کورونا وائرس کے علاج کیلئے جڑی بوٹیوں سے بنی دوائی کے چرچے ، خطے میں علاج کے حوالے سے دھوم مچ گئی۔ تفصیلات کے مطابق افریقی ممالک میں آرٹیمیسیانامی پودے سے کشید شدہ دوا کو کورونا وائرس کے علاج کیلئے کارآمد قرار دیا جا رہا ہے۔ ہر بل ٹانک کو مڈغاسکر کے صدر نے بھی کورونا کیلئے ممکنہ علاج قرار دے دیا ہے۔

جبکہ کانگو کے صدر نے یہ ہر بل دوا مڈغاسکر سے برآمد کرنے کا وعدہ بھی کیا ہے۔ تاہم عالمی دارہ صحت کی جانب سے اب تک تک اس دوا کو کورونا کیلئے کارآمد قرار نہیں دیا، اور نہ ہی اس دواسے مریض کی حالت بہتر ہونے کی تصدیق کی ہے۔ عالمی ادارہ صحت کا کہنا ہے کہ لوگ خود کار ادویات کے استعمال سے پرہیز کریں۔عالمی ادارہ صحت نے کورونا کے حوالے سے چلنے والی افواہوں کی بھی وضاحت کی۔عالمی ادارہ صحت کی جانب سے کہا گیا ہے کہ انسان سورج کی شعاعوں اور 25 فیصد سے زیادہ درجہ حرارت میں باہر نکلنے سے وائرس سے نہیں بچ سکتا۔میڈیا رپورٹ کے مطابق عالمی ادارہ صحت نے کہا کہ آپ کو وائرس لگ سکتا ہے چاہے آپ کتنی ہی دھوپ اور گرمی میں نکلیں، ایسے ممالک جہاں زیادہ تر موسم گرم رہتا ہے وہاں سے بھی کووڈ-19 کے کیسز سامنے آرہے ہیں۔ڈبلیو ایچ او نے لوگوں کو ہدایت کی کہ اگر آپ واقعی کورونا وائرس سے بچنا چاہتے ہیں تو اس کیلئے آپ کو بار بار ہاتھ دھونے ہوں گے ، منہ، ناک اور آنکھوں کو ہاتھ لگانے سے بھی گریز کرنا ہو گا۔ دوسری جانب عالمی سطح پر کورونا وائرس کے باعث ہلاکتوں کی تعداد ڈھائی لاکھ کے قریب، وبا سے متاثرہ افراد کی تعداد 35 لاکھ سے تجاوز کر گئی۔

موضوعات:کرونا وائرس