اسلام آباد(مانیٹرنگ ڈیسک)سعودی حکومت کا کاروباری سرگرمیاں 24 گھنٹے جاری رکھنے کا اعلان ،میڈیا رپورٹس کے مطابق سعودی حکومت نے ایک طویل المدتی بحث کے بعد فیصلہ کیا ہے کہ اب نماز کے اوقات میں دکانیں بند نہیں کروائی جائیں گی۔بلکہ کاروباراور آمدن کو بڑھانے کیلئے 24 گھنٹے کمرشل سرگرمیوں کی اجازت ہوگی۔ تاہم بہت سارے سعودی لوگ ابھی اس کشمکش میں ہیں کہ دکانیں بند کی جائیں یا نہ ۔فیصلے کے خلاف بعض حلقوں نے تنقید اور

مخالفت بھی کی ہے۔ لیکن اس کے باوجود وہ ان اصلاحات کو سعودی عرب کی تعمیر وترقی کیلئے ضروری قرار دے رہے ہیں اور مشکل اقدامات اٹھا رہے ہیں۔ نمازکے وقت دکان بند کرنے سے متعلق گزشتہ سال سعودی عرب کی مذہبی پولیس نے اپنے ٹویٹس میں کہا تھا کہ نماز کے اوقات میں دکانیں کھلی رکھنا منع ہے،واضح رہے مسلم ممالک میں سعودی عرب کے اس عمل کے حوالے سے تعریف کی جاتی تھی کہ  نماز کے اوقات میں دکانیں بند کروا دی جاتی ہیں۔