فینکس(مانیٹرنگ ڈیسک)ایک طرف پاکستان کیخلاف بیان بازی، روس اور چین پر پابندیاں تو دوسری جانب امریکی صدر کو اندرونی محاذ پر سخت ہزیمت کا سامنا کرنا پڑ رہا ہے۔ امریکی ریاست ایریزونا میں امریکی صدر ٹرمپ کے خلاف مظاہرے پر پولیس کی شیلنگ کی وجہ سے سڑکیں میدان جنگ بن گئیں۔امریکی میڈیا کے مطابق امریکی ریاست ایریزونا کے شہر فینکس میں ہزاروں افراد سڑکوں پر نکل آئے اور صدر ڈونلڈ ٹرمپ کے خلاف

احتجاجی مظاہرہ کیا۔ مظاہرین کو روکنے کے لئے پولیس بھی میدان میں آئی اور اندھا دھند آنسو گیس کیشیلنگ شروع کردی جس کے بعد سڑکیں میدان جنگ بن گئیں۔امریکی صدر ڈونلڈ ٹرمپ فینکس کے ایک کانفرنس ہال میں اپنے حمایتیوں سے خطاب کررہے تھے کہ اسی دوران ہزاروں شہری ریاستی دارالحکومت میں سڑکوں پر نکل آئے اور کانفرنس ہال کے باہر شدید احتجاج کیا۔ مظاہرین نے ہاتھوں میں پلے کارڈز اور پانی کی بوتلیں اٹھا رکھی تھیں۔

موضوعات:امریکہ ٹرمپ