نیویارک (آئی این پی )ا قوام متحدہ میں امریکی سفیر نکی ہیلی نے کہا ہے کہ شام کے صدر بشار الاسد کا تختہ الٹنا اب امریکی حکومت کی اولین ترجیح نہیں ہے،ہم بشار الاسد پر توجہ نہیں دے سکتے۔نکی ہیلی نے صحافیوں سے بات کرتے ہوئے کہا کہ پچھلی امریکی انتظامیہ کی پالیسیوں کے برعکس اب ہم بشار الاسد پر توجہ نہیں دے سکتے۔ ہمارے لیے یہ اہم نہیں ہے کہ ہم اس بات پر توجہ دیں کہ کس طرح اسد کو ہٹائیں بلکہ اب ہمارے

لیے یہ زیادہ ضروری ہے کہ کس طرح، کس گروہ کے ساتھ کام کیا جائے جس سے شام کے عوام کی مشکلات آسان ہوں یاد رہے کہ سابق امریکی صدر براک اوباما کے دور میں امریکہ نے کہا تھا کہ بشار الاسد کو ہٹانا ضروری ہے اور اس کے لیے انھوں نے بشار الاسد سے جنگ کرنے والے باغیوں کا ساتھ بھی دیا تھا۔ امریکہ کے وزیر خارجہ ریکس ٹیلرسن دورہ ترکی کے دوران کہا کہ بشار الاسد کے مستقبل کا فیصلہ شام کی عوام کرے گی۔

موضوعات:امریکہ