مکہ مکرمہ (این این آئی)مکہ مکرمہ اور مضافات میں موسلادھار بارش ہوئی ہے ، بیت اللہ شریف میں برسنے والی بارش سے روح پرور مناظر دیکھنے میں آئے۔غیرملکی خبررساں ادارے کے مطابق مکہ مکرمہ اور اس کے مضافاتی علاقوں میں کالی گھٹائیں خوب جم کر برسیں، تیز ہواوں کے ساتھ برسات نے مکہ اور دیگر

علاقوں کو سیراب کر دیا، جس سے گرمی کی شدت میں کمی آئی اور موسم خوشگوار ہوگیا۔مسجد الحرام میں بیت اللہ شریف پر برسنے والی بارش نے خوب روح پرور مناظر دکھائے، خانہ کعبہ کی چھت سے بارش کا پانی صحن حرم میں لوگوں کی توجہ کا خاص مرکز رہا۔مکہ مکرمہ شہر میں رات بھر بھی وقفے وقفے سے بارش ہوئی۔

موضوعات:مکہ مکرمہ