لاہور( این این آئی )پاکستان مسلم لیگ (ن) کی مرکزی نائب صدر مریم نواز نے کہا ہے کہ جج ارشد ملک کے بیان حلفی میں لگائے گئے الزامات میں رتی برابر بھی سچائی ہوتی تو دوران مقدمہ عدالت میں نواز شریف کو کنفرنٹ کرتے اور کہتے کہ جواب دیں آپ مجھے کیوں رشوت کی پیشکش کر رہے ہیں ۔ ٹوئٹر پر اپنے بیان میں انہوںنے کہا کہ اس معاملے پر جج ارشد ملک اعلی عدلیہ کو

مطلع کرتے اور جج کو دبا ئومیں لانے پر بھری عدالت میں گرفتاری کا حکم صادر فرماتے۔انہوں نے کہا کہ پتہ نہیں کسی کے خلاف سازش اور ظلم کرنے والے یہ کیوں بھول جاتے ہیں کہ اللہ دیکھ رہا ہے اور سب سے بڑی اور کامیاب تدبیر اللہ ہی کی ہے۔ پوری ریاست ایک شخص سے انتقام لینے پر تلی ہوئی تھی مگر کس کو عزت اور کس کو ذلت دینی ہے یہ فیصلے اللہ کے ہیں۔

موضوعات:مریم نواز