پشاور( آن لائن ) اے ایس ایف نے بیرون ملک جانے والے مسافر کے پاس موجود کرکٹ بیٹ سے بھاری مقدار میں چرس برآمد کرکے اسے حراست میں لے لیا۔تفصیلات کے مطابق ایئر پورٹ سکیورٹی فورس نے پشاور باچا خان ایئرپورٹ پر قطر جانے والی پرواز کے مسافروں کی سامان کی تلاشی لینے کے دوران ایک مسافر کے سامان میں شامل کرکٹ بیٹ کو وزن زیادہ ہونے کے

باعث مشکوک جان کر توڑ دیا، جس کے اندر بڑی مہارت کے ساتھ خفیہ خانہ بنا کر چرس چھپائی گئی تھی۔اے ایس ایف کے مطابق چرس کا وزن تقریباً اڑھائی کلو گرام تھا، مسافر کو حراست میں لے لیا گیا،اے ایس ایف کے مطابق ملزم کا نام یاسر ہے جو اورکزئی کا رہائشی ہے اور نجی فلائٹ سے قطر جارہا تھا۔ جبکہ ملزم کو ابتدائی کارروائی کے بعد اے این ایف کے حوالے کردیا گیا ۔

موضوعات:پشاور ایئرپورٹ