راولپنڈی (نیوز ڈیسک) اڈیالہ جیل میں قید سابق وزیراعظم نوازشریف اورمریم نواز کی ان کے وکلا سے ملاقات منسوخ کردی گئی ہے۔نجی ٹی وی کے مطابق نوازشریف اورمریم نواز کا جمعرات کو اڈیالہ جیل میں چھٹا روزتھا جب کہ کیپٹن ریٹائرڈ صفدرکو جیل کا مکین ہوئے 12 دن ہوگئے ہیں۔ جیل حکام کی جا نب سے اعلان کیا گیا تھاکہ جمعرات کو نوا شر یف سے ملا قات کی اجازت ہو گی ،جیل حکام کی جانب سے نواز شریف کے ملاقاتیوں کی فہرست مرتب کی گئی تھی

جس میں شریف خاندان کے 17 ارکان، آصف کرمانی ، جاوید ہاشمی، پرویزرشید اور ایاز صادق سمیت 23 لیگی رہنما اور(ن)لیگ کے 11 وکلا بھی شامل تھے تاہم جیل حکام نے نوازشریف اورمریم نوازسے ان کے وکلا کی ملاقات منسوخ کردی ہے۔ جیل حکام کا کہنا ہے کہ دونوں افراد کی ان کے وکلا سے ملاقات بعد میں کرائی جائے گی۔جیل حکام کا کہنا تھا کہ تینوں قیدیوں سے ملاقاتیں جیل مینول کے مطابق کرائی جارہی ہیں، ہرملاقات سے قبل میاں نوازشریف کی مرضی جانی جارہی ہے۔

موضوعات:اڈیالہ جیل مریم نواز نواز شریف