اسلام آباد (مانیٹرنگ ڈیسک)سابق وزیراعظم نواز شریف کے بعد وزیر خارجہ خواجہ آصف اور اب وزیر داخلہ احسن اقبال بھی خلیجی ملک کے اقامہ ہولڈر نکلے، معروف اینکر ارشد شریف نے تہلکہ خیز انکشاف کر ڈالا۔ تفصیلات کے مطابق سابق وزیراعظم نواز شریف کے بعد وزیرخارجہ خواجہ آصف اور اب وزیر داخلہ احسن اقبال بھی خلیجی ملک کے اقامہ ہولڈر نکلے ہیں، اس بات کا انکشاف نجی ٹی وی کے معروف اینکر ارشد شریف نے پروگرام میں

گفتگو کرتے ہوئے کیا۔ارشد شریف نے انکشاف کیا ہے کہ احسن اقبال نے خلیجی ملک کا اقامہ ہولڈر ہونے کا اعتراف کر لیا ہے۔ ارشد شریف کے انکشاف کے بعد تحریک انصاف کے رہنما شفقت محمود نے دعویٰ کیا ہے کہ وزیر داخلہ احسن اقبال خلیجی ملک میں چوکیدار کی نوکری کے اقامہ ہولڈر ہیں، شفقت محمود کے اس دعویٰ کی تصدیق ٹی وی اینکر ارشدشریف نے نہیں کہ احسن اقبال واقعی خلیجی ملک میں چوکیدار کی نوکری کے اقامہ ہولڈر ہیں کہ نہیں۔

موضوعات:احسن اقبال ارشد شریف اقامہ