اسلام آباد (مانیٹرنگ ڈیسک) عائشہ گلالئی جنہوں نے گزشتہ روز ہی اپنی پارٹی کا اعلان کیا ہے نے نواز شریف پر وار کرتے ہوئے کہا کہ نواز شریف جلسے کرکے قوم کو فوج کے خلاف بھڑکا رہے ہیں، نجی ٹی وی چینل کی رپورٹ کے مطابق عائشہ گلالئی نے کہا کہ میاں نواز شریف شیخ مجیب الرحمان بننے کی کوشش کر رہے ہیں، عائشہ گلالئی نے کہا کہ کوئی بھی عدالت جب میاں نواز شریف کو سزا

سناتی ہے تو وہ اس کے خلاف جلسے جلوس شروع کر دیتے ہیں، نواز شریف پنجابی بھائیوں کو آپس میں لڑوانے کی سازش کر رہے ہیں۔ عائشہ گلالئی نے کہا کہ وہ اس وقت رونی صورت بنا کر عوام سے کہتا ہے کہ مجھے کیوں نکالا، انہوں نے کہا کہ میں چیف جسٹس صاحب آپ سے کہتی ہوں کہ یہ جو آپ کو گالیاں دے رہا ہے اس چور کی گردن بہت موٹی ہو گئی ہے اسے پکڑ کر جیل میں ڈالنا چاہیے۔

موضوعات:عائشہ گلالئی