اسلام آباد (مانیٹرنگ ڈیسک) تین سال قبل لاپتہ ہو جانے والی ملائشین ائیر لائنز کی پرواز ایم ایچ 370 کے بارے میں دی مرر کی ایک رپورٹ میں چونکا دینے والے انکشافات سامنے آئے ہیں، تفصیلات کے مطابق ملائیشین ائیر لائنز کی اس پرواز کی بہت تلاش کی گئی مگر اس کا سراغ کہیں نہ ملا لیکن مرر کی رپورٹ میں کہا گیا ہے کہ یہ پرواز جس کے بارے میں کہا جاتا ہے کہ کہیں گر کر تباہ ہو گئی تھی اب ماہرین نے دعویٰ کیا ہے کہ یہ تباہ نہیں ہوئی تھی بلکہ اسے ہائی جیک کر لیا گیا تھا، ماہرین کا کہنا ہے کہ اس پرواز میں کوئی خفیہ سامان تھا جو چین پہنچایا

جا رہا تھا اور ہائی جیکرز نہیں چاہتے تھے کہ یہ سامان چین پہنچے چنانچہ ہائی جیکرز نے اس کا رخ موڑ دیا۔ ماہرین کی ٹیم کے رکن نارمن ڈیوس نے کہا کہ ممکنہ طور پر یہ جہاز گرکر تباہ نہیں ہوا بلکہ ہائی جیکروں نے اسے انٹارکٹکا کی برف پر اترنے پر مجبور کر دیا اور اس کے اوپر برف کی بھاری تہہ چڑھا کر اسے چھپا دیا ہے۔ ان کا دعویٰ ہے کہ اس برف پر جہاز آسانی کے ساتھ گلائیڈنگ کرتا ہوا اتر سکتا ہے اور یہاں کی برف جہاز چھپانے کے لیے بہترین جگہ ہے۔ یاد رہے کہ یہ پرواز 239 مسافروں کو لے کر کوالالمپور سے بیجنگ جا رہی تھی۔

موضوعات:ملائشین ائیر لائنز کی پرواز ایم ایچ 370