ممبئی(نیوزڈیسک) معروف بھارتی اداکار ششی کپور انتقال کرگئے، تفصیلات کے مطابق بالی ووڈ کے کپور خاندان کے سینئر ممبر ششی کپور 79 برس کی عمر میں انتقال کرگئے ہیں، بھارتی میڈیا کے مطابق ششی کپور طویل عرصے سے علیل تھے، ششی کپور کی مشہور فلموں میں آ گلے لگ جا، شرمیلی، دیوار اور سلسلہ سمیت متعدد فلمیں شامل تھیں، لیجنڈ اداکار ششی کپور کے انتقال پر بھارتی فلم انڈسٹری سوگ میں ڈوب گئی ہے اور

بڑی تعداد میں لوگ ان کے گھر پر جمع ہوگئے ہیں، ششی کپور کو ان کی فلم انڈسٹری کے لیے بے پناہ خدمات کی وجہ سے بھارتی حکومت متعدد ایوارڈز سے نواز چکی ہے، ششی کپور نے ایک برطانوی خاتون سے شادی کی تھی۔ بلبیر راج کپور جو اپنے فلمی نام ششی کپور سے جانے جاتے ہیں ایک ریٹائرڈ بھارتی فلم اداکار اور پروڈیوسر تھے۔ انہوں نے بڑی تعداد میں ہندی فلموں کے ساتھ ساتھ کچھ انگریزی فلموں میں بھی کام کیا۔

موضوعات:ششی کپور