لاہور (این این آئی )پاکستان کی انتہائی خوبصورت اور معروف ادکارہ ماہرہ خان آج کل اپنی فلم ’ورنہ ‘ کی پروموشن کر رہی ہیں اور اس حوالے سے وہ ٹی وی پروگرامز کو انٹرویودینے کے ساتھ ساتھ شاپنگ مالز میں اپنے مداحوں سے ملاقاتیںبھی کر رہی ہیں ایسی ہی ایک ویڈیو سامنے آئی ہے جس میں ماہرہ خان اپنے ایک مداح کے

ساتھ ڈانس بھی کر رہی ہیں ۔تفصیلات کے مطابق لاہور کے شاپنگ مال میں ماہرہ خان اپنے مداح کو ڈانس کرنے کیلئے دعوت دیتی ہیں جس پر وہ ماہرہ خان کی بھارتی فلم رئیس کا گانا چنتاہے اور ماہرہ خان کے ساتھ ’ظالما ‘گانے پر ڈانس کر کے دیگر افراد سے داد وصول کرتاہے ۔ماہرہ خان بھی اپنی فلم کو لے کر کافی پرجوش ہیں اور امکان ظاہر کیا جارہاہے کہ ماہرہ خان کی فلم پاکستان میں سب سے زیادہ کامیاب ہونے والی فلم بن سکتی ہے ۔

موضوعات:ماہرہ خان