کراچی (این این آئی) کپتان کو حیدرآباد میں پیپلز پارٹی کی رہنما فریال تالپور کے خلاف تقریر کرنا مہنگا پڑگیا۔ پیپلزپارٹی کی رہنما ایم این اے فریال تالپور نے عمران خانکو ایک ارب روپے ہرجانے کانوٹس بھیجوادیا۔ تحریک انصاف کے سربراہ عمران خان نے انیس ستمبرکوحیدرآباد جلسے میں پیپلزپارٹی کی رہنما ایم این اے فریال تالپورکوشدید تنقید کا نشانہ بنایا تھا۔ کپتان کی جانب سے الزام تراشی پر ایم این اے فریال تالپور نے عمران

خان کو ایک ارب روپے ہرجانے کا نوٹس بنی گالا کی رہائشگاہ کے ایڈریس پربذریعہ کوریئر سروس ارسال کردیا ہے۔ فریال تالپورکا کہنا ہے کہ مجھ پر جو الزم لگائے گئے وہ عمران خان ثابت کریں بصورت دیگر انہیں قانونی چارہ جوئی کا سامنا کرنا ہوگا۔ ایم این اے فریال تالپرکا کہنا ہے کہ عمران خان نے میرا نام لیکر الزام لگائے ہیں عمران خان کے الزامات سے میری سیاسی ساکھ متاثر ہوئی ہے  فریال تالپورکا کہنا ہے کہ میں منتخب رکن قومی اسمبلی ہوں مجھ پر الزام لگانے والے عمران خان کوالزامات کا جواب دینا ہوگا۔

موضوعات:فریال تالپور