اسلام آباد (مانیٹرنگ ڈیسک)ان دنوں مائرہ خان اور رنبیر کپور کی امریکہ میں ہوٹل کے باہر رات گئے سگریٹ نوشی کرتے تصاویر سوشل میڈیا پر گردش میں ہیں اور اس پر مائرہ خان کو سخت تنقید کا نشانہ بھی بنایا جا رہا ہے تاہم اب بالی ووڈ کے ایک پرانا پریمی جوڑا لندن کے ریلوے سٹیشن پر ایک دوسرے کا ہاتھ پکڑے دیکھا گیا ہے ۔سنی دیول اور ڈمپل کپاڈیہ کی تصاویر سوشل میڈیا پر وائرل ہو گئیں۔ دونوں کی لندن میں سٹیشن پر بیٹھے ایک ویڈیو منظر عام پر آئی ہے جس میں دیکھا جا سکتا ہے کہ سنی دیول

اور ڈمپل کپاڈیہ ایک دوسرے کا ہاتھ تھامے بیٹھے ہیں جبکہ ڈمپل سگریٹ نوشی کر رہی ہیں۔ دونوں کی ویڈیو منظر عام پر آتے ہی بالی ووڈ میں یہ بات سنی جا رہی ہے کہ دونوں نے پھر سے ایک ہونے کا ارادہ کر لیا ہے۔ واضح رہے کہ مپل کپاڈیہ اور سنی دیول ایک دوسرے کی محبت میں گرفتار تھے لیکن کچھ خبروں کے مطابق سنی دیول کے والد دھر میندرا نے اس رشتے کو قبول کرنے سے انکار کرتے ہوئے دونوں کی علیحدگی کروا دی تھی۔ ڈمپل کپاڈیہ بالی وڈ فلمسٹار ٹوئنکل کھنہ کی والدہ اور اکشے کُمار کی ساس ہیں۔

موضوعات:ڈمپل کپاڈیہ سنی دیول