انقرہ (آئی این پی)ترک صدر رجب طیب اردگان نے خلیجی ریاست قطر کو سعودی عرب اور دوسرے تین مسلم ملکوں کی جانب سے تیرہ مطالبات کو تسلیم کرنے کے الٹی میٹم کو ناجائز قرار دیتے ہوئے اس پر تشویش کا اظہار کیا ہے۔ غیر ملکی میڈیا کے مطابق ترک صدر نے قطر کے اس بیان کا خیرمقدم کیا ہے، جس میں اس نے سعودی مہلت اور مطالبات کو مسترد کر دیا ہے۔

اردگان کی جانب سے جاری ہونے والے بیان میں کہا گیا کہ سعودی عرب اور اس کے حلیفوں کی جانب سے جو تیرہ مطالبات کی فہرست قطر کو فراہم کی گئی ہے، وہ انٹرنیشنل قانون کی صریحا خلاف ورزی ہے۔ ترک صدر نے مزید کہا کہ قطر سے ترک فوجیوں کی واپسی کا مطالبہ ترکی کے احترام کو کم کرنا ہے۔

موضوعات:ترک صدر سعودی عرب طیب اردوان قطر