اسلام آباد(مانیـٹرنگ ڈیسک)لاہوردھماکے کے سہولت کارانوارلحق کی بیوی نے انکشاف کیاہے کہ شوہرکے انتہاپسندہونے کاعلم تھا،ہماری معاشرتی روایات شوہرکے بارے میں بیان دینے کی اجازت نہیں دیتیں اس لئے کچھ نہیں کہنا چاہتی۔دوران تفتیش سہولت کارانوار الحق کی فراہم کردہ معلومات کی روشنی میں باجوڑ ایجنسی سے ملزم کے والد اور بھائیوں کو حراست میں لینے کے علاوہ باجوڑ میں اس کا گھر بھی تباہ کردیاگیا ہے ۔

ذرائع کے مطابق دہشتگردوں کے سہولت کار انوار الحق نے بیان میں کہا ہے کہ مجھے دھماکے میں کم نقصان ہونے کا بہت صدمہ ہے اندازہ ہوتا کہ دھماکے میں کم نقصان ہو گا تو خود کو بھی دھماکے سے اڑا لیتا۔دہشتگردوں کا سہولت کار انوارالحق لاہور کے علاقےبھگت پورہ کے ایک تین مرلہ گھر کے بالائی پورشن میں تین ماہ سے اپنی بیوی اور چار بچوں سمیت رہائش پذیر تھا ، قانون نافذ کرنےوالے اداروں کے چھاپے کے دوران یہاں سے 2خودکش جیکٹس اور لاہور دھماکے کے خودکش حملہ آور کے کپڑوں سمیت دیگر اہم سامان بھی برآمد ہوا تھا۔قانون نافذ کرنے والے داروں کو دہشتگردوں کے سہولت کار انوار الحق کی شناخت گلی میں کھڑے اسی کے بیٹے نے کی تھی۔پولیس کی ابتدائی تفتیش میں یہ بات سامنے آئی ہے کہ مالک مکان نے دہشتگردوں کےسہولت کارانوارالحق کو 3ماہ قبل مکان ماہانہ 10ہزار کرائے پردیاتھاجبکہ مکان کاکرایہ نامہ تھانے میں رجسٹرڈ نہیں کروایاتھا ۔پولیس نے مذکورہ مکان کے مالک کو گرفتارکرکے چیئرنگ کراس دھماکے کے مقدمے میں شامل تفتیش کرلیاہے۔

موضوعات:بیوی سہولت کار شناخت