اسلام آباد(مانیٹرنگ ڈیسک)پی ٹی آئی کے غیرملکی فنڈنگ خوردبردکیس میں پاکستان تحریک انصاف کے چیرمین عمران خا ن نے
 الیکشن کمیشن سے غیرمشروط معافی مانگ لی ۔تفصیلات کے مطابق الیکشن کمیشن میں عمران خان کی طرف سے معافی نامہ ان کے وکیل ثقلین حیدرکی جانب سے جمع کرایاگیاہے جس میں انہوں نے غیرملکی فنڈنگ خوردبردکیس میں غیرمشروط معافی مانگ لی ہے ۔

عمران خان کی طرف سے جمع کرائے گئے معافی نامے کے متن میں لکھاگیاہے کہ وہ الیکشن کمیشن میں غیر ملکی فنڈنگ کیس میں پہلےجمع کرائی گئی نظرثانی کی درخواست واپس لیتےہیں۔ واضح رہے کہ عمران خان نے9جنوری کو الیکشن کمیشن کو متعصب قراردیا تھاجس پرالیکشن کمیشن نے سخت نوٹس لیاتھااورآج مقدمے کی سماعت کے دوران تحریری معافی نامہ جمع کرادیاگیاہے ۔

موضوعات:عمران خان