لاہور ( این این آئی) چیمپئنز ٹرافی میں روایتی حریف بھارت کے ہاتھوں شکست کے بعد قومی کرکٹ ٹیم اور مینجمنٹ میں بڑی تبدیلیاں متوقع ہیں۔ پی سی بی ذرائع کے مطابق پاکستان کرکٹ بورڈ نے دورہ نیوزی لینڈ میں نئے کھلاڑی آزمانے کا فیصلہ کیا ہے۔
ڈومیسٹک کرکٹ میں نمایاں کارکردگی دکھانے والے کھلاڑیوں اور اسٹرائیکر کیمپ کے پلیئرز کو قومی ٹیم میں شامل کرنے پر غور کیا جا رہا ہے۔ اسٹرائیکر کیمپ کے ہیڈ کوچ عبدالرزاق کو بھی مشاورتی عمل کا حصہ بنایا جائے گا۔ٹیم مینجمنٹ میں بھی تبدیلیوں کا امکان ظاہر کیا جا رہا ہے جبکہ کوچنگ اسٹاف میں ردوبدل کے حوالے سے مشاورت جاری ہے۔پاکستان کرکٹ ٹیم 16مارچ سے 5اپریل تک نیوزی لینڈ کا دورہ کرے گی، جہاں وہ پانچ ٹی ٹونٹی اور تین ون ڈے میچز کھیلے گی۔
