لاہور(مانیٹرنگ ڈیسک / این این آئی) پاکستان کرکٹ بورڈ کے چیئر مین برائے مینجمنٹ کمیٹی نجم سیٹھی نے ایک انٹرویو میں کہا ہے کہ ہائبرڈ ماڈل کا حل پاکستان اور بھارت کےدرمیان سیاست کو باہرنکال دےگا، احمدآباد سے مسئلہ نہیں، بھارت جہاں کہےگا وہاں کھیلیں گے

ایشین کرکٹ کونسل نے 15 مئی تک جواب دینے کا کہا،بنگلا دیش نےدوران اے سی سی اجلاس میں کہاکہ پاکستان کےبغیر ایشیاکپ نہیں ہوگا۔دوسری جانب نجم سیٹھی نے کہا ہے کہ اگر روایتی حریف بھارت ستمبر میں ہونے والے ایشیا ء کپ کے لیے پاکستان کا سفر کرنے سے انکار کرتی ہے تو ہماری ٹیم کے ورلڈ کپ میچز بھارت کے بجائے کسی اور ملک میں کروائے جائیں۔انڈین میڈیا کو انٹرویو دیتے ہوئے نجم سیٹھی نے کہا کہ بھارت چاہتا ہے ایشیا ء کپ پاکستان میں نہ ہو، اگر بھارت اب ایک غیر جانبدار مقام حاصل کرنا چاہتا ہے اور ہائبرڈ ماڈل کو قبول کرتا ہے تو ہم ورلڈ کپ میں اسی ہائبرڈ ماڈل کو استعمال کریں گے۔انہوں نے کہا کہ پاکستان ورلڈ کپ گیمز بنگلہ دیش یا بھارت کے لیے قابل قبول کسی دوسرے مقام پر کھیلنے کے لیے تیار ہو گا۔نجم سیٹھینے بی سی سی آئی سے کہا کہ وہ نئی دہلی کے فیصلے کے خلاف کھڑے ہو جائیں اور پاکستان کا سفر کرنے کی اجازت دینے پر اصرار کریں، سکیورٹی کا بہانہ نہیں چل سکتا۔قبل ازیں پاکستان کرکٹ بورڈ مینجمنٹ کمیٹی کے سربراہ نجم سیٹھی نے دو ٹوک موقف اپناتے ہوئے پیغام پہنچایا ہے کہ اگر ہندوستان کی ٹیم پاکستان نہیں آتی تو پاکستان بھی ورلڈکپ کے لئے بھارت نہیں جاسکتا۔بھارتی میڈیا پر دو ٹوک موقف دیتے ہوئے پاکستان کرکٹ بورڈ کے سربراہ نجم سیٹھی کہا کہ ایشیاکپ کیلئے بھارت کو پاکستان میں کھیلنے کی پیشکش سمیت ہائبرڈ ماڈل بھی پیش کیا لیکن بی سی سی آئی بضد ہے کہ ہم نہیں مان رہے

اس کے علاوہ انہوں نے اپنے ساتھ سری لنکا اور بنگلہ دیش کو بھی شامل کرلیا۔نجم سیٹھی نے کہا کہ ایشیاکپ کے لئے جو ہائبرڈ ماڈل ہوگا وہی ورلڈکپ کے لئے بھی ہوگا کیونکہ ہماری حکومت ہمیں بھارت میں جاکر کھیلنے کی اجازت نہیں دے رہی، جس طرح بھارتی ٹیم کو پاکستان میں سکیورٹی کے مسائل ہیں

اسی طرح پاکستان کو انڈیا میں ہیں۔انہوں نے کہا کہ اگر ایشیاکپ کے لئے بھارت ہائبرڈ ماڈل پر مان جاتا ہے تو ورلڈکپ میں پاکستان اپنے میچز بنگلہ دیش یا جہاں بی سی سی آئی اور آئی سی سی سمجھتے ہیں وہاں کھیلنے کو تیار ہوجائے گا لیکن بھارت میں کھیلنا مشکل ہے۔دوسری جانب نجم سیٹھی کے بیان پر بھارتی میڈیا اور بی سی سی آئی چراغ پا ہوگیا ہے اور رپورٹس چلائی جارہی ہیں کہ آئی سی سی گرین شرٹس کے ورلڈکپ بھارت میں نہ کھیلنے پر پابندی بھی عائد کرسکی ہے۔