راولپنڈی (این این آئی)قومی کرکٹ ٹیم کے کپتان بابراعظم نے کہا ہے کہ فخر زمان کی شاندار اننگز دیکھ کر ہم سب حیران ہوگئے۔میڈیا سے گفتگو کرتے ہوئے انہوں نے کہا کہ خوشی ہے کہ بیک ٹو بیک میچز جیت رہے ہیں۔قومی کرکٹ ٹیم کے بیٹر فخر زمان نے کہا کہ پچ پر روکنے کی کوشش کرتا ہوں۔
انہوں نے کہاکہ میں صرف ملک کی کامیابی کیلئے کھیلنا چاہتا ہوں، میں نے کبھی ریکارڈز بنانے یا ایسی کسی چیز پر توجہ نہیں دی، یہ سب کچھ اچھی کارکردگی سے ہی ہوتا ہے، میں اپنے ملک کو میچز اور ٹورنامنٹ جتوانا چاہتا ہوں، اسی سے میری پرفارمنس کو بھی اہمیت ملے گی۔
پہلے میچ میں سنچری بنانے والے فخرزمان کے اپنے اور رضوان کے ملک کیلئے پرفارم کرنے کے بیان پر بابرنے کہا کہ جو کچھ بھی فخر نے کہا اس سے ہمارے ٹیم کلچر کی عکاسی ہوتی ہے، ہم ایک دوسرے کی حمایت اور حوصلہ افزائی کرتے ہیں، ہم اپنے اہل خانہ سے زیادہ وقت ایک دوسرے کے ساتھ گزارتے ہیں، ٹیم اور ملک کیلئے بہترین نتائج کی خاطر ایک دوسرے کو سپورٹ کرتے ہیں۔
