لندن (آن لائن ) نیوزی لینڈ کے سٹار فاسٹ بائولر ٹرینٹ بولٹ نے کہا ہے کہ ورلڈ کپ میں چار میچز جیتنے کے بعد اعتماد بڑھا ہے۔ انہوں نے کہا کہ اب وہ میگا ایونٹ کے بقیہ میچز میں حریف بلے بازوں کے چیلنج سے نمٹنے کیلئے مزید اچھی طرح سے تیار ہیں۔ نیوزی لینڈ کی ٹیم میگا ایونٹ میں پانچ میچز کھیل چکی ہے اور وہ چار میچز
جیتنے کے بعد سب سے زیادہ 9 پوائنٹس کے ساتھ ٹیبل پر سر فہرست ہے۔ کیویز ٹیم میگا ایونٹ میں اپنا چھٹا میچ (کل) ہفتہ کو ویسٹ انڈیز کے خلاف مانچسٹر میں کھیلے گی۔ اپنے ایک بیان میں بولٹ نے کہا کہ میں سمجھتا ہوں کہ ورلڈ کپ میں ٹیم کی اب تک کی کارکردگی بہت اہمیت کی حامل ہے، ہماری ٹیم بلند مورال کے ساتھ میگا ایونٹ کے بقیہ میچز میں بھی انٹری کرے گی۔
