سڈنی (این این آئی)آسٹریلوی آل رائونڈر گلین میکسویل نے کہا ہے کہ ڈیوڈ وارنر اور اسٹیون اسمتھ کی واپسی سے ٹیم مزید مضبوط ہوگئی ہے،ورلڈ کپ کا بھر پور دفاع کرینگے ،تمام کھلاڑیوں کا اعتماد بڑھا ہے ،ہدف کے حصول کیلئے کھلاڑیوں کو 100 فیصد کارکردگی دکھانا ہو گی۔ میڈیا رپورٹ کے مطابق انگلینڈ میں کائونٹی کھیلنے میں مصروف آسٹریلوی کھلاڑی نے کہا کہ ورلڈ کپ سے قبل ٹیم کا فارم میں آنا خوش آئند ہے۔
ڈیوڈ وارنر اور اسٹیون اسمتھ کی واپسی سے نہ صرف ہماری ٹیم مضبوط ہوئی بلکہ میگا ٹورنامنٹ کی فیورٹ ٹیموں میں شامل ہو گئی ہے۔میکسویل نے میں سمجھتا ہوں کہ ہماری ٹیم صحیح وقت میں فارم میں آئی ہے، ملک سے باہر بھارت اور پاکستان کے خلاف ون ڈے سیریز میں فتوحات بہت اہمیت کی حامل ہے اور تمام کھلاڑیوں کا اعتماد بڑھا ہے تاہم ہدف کے حصول کیلئے کھلاڑیوں کو 100 فیصد کارکردگی دکھانا ہو گی۔
