دبئی(اسپورٹس ڈیسک) پاکستانی بولنگ کوچ اظہر محمود نے کہا ہے کہ محمد عامر جلد ہی انٹرنیشنل کرکٹ میں ایک بہتر بولر کے طور پر واپس لوٹیں گے۔اظہر محمود کا کہنا ہے کہ محمد عامر جلد ہی انٹرنیشنل کرکٹ میں ایک بہتر بولر کے طور پر واپس لوٹیں گے۔ آسٹریلیا سے سیریز میں آرام سے انھیں دباؤ سے چھٹکارہ حاصل کرنے اور ڈومیسٹک کرکٹ میں اپنی تکنیکی خامیوں کو دور کرنے کا
موقع ملے گا۔ایک برطانوی ویب سائٹ کیلیے بلاگ میں اظہر محمود نے تحریر کیا ہے کہ کینگروز سے ٹیسٹ سیریز میں ہمارے پاس تجربہ کار بیٹنگ لائن موجود ہے، کارکردگی اچھی رہے گی۔ایشیا کپ میں شکست کے حوالے سے انھوں نے کہاکہ لوگوں کو نہیں بھولنا چاہیے کہ یہ ایک نوجوان ٹیم اور پلیئرز کیلیے سیکھنے کا دور ہے، خود ٹیم مینجمنٹ اور کوچنگ اسٹاف بھی سیکھ رہا ہے۔
