لندن(سپورٹس ڈیسک)انگلش کر کٹ ٹیم کے سابق کپتان اور بلے باز الیسٹر کک نے کہا ہے کہ ساتھیوں کو ریٹائرمنٹ کا بتاتے وقت میری آنکھوں سے آنسو چھلک پڑے۔انگلش اوپنر الیسٹر کک 6ماہ سے خود کو ریٹائرمنٹ پر آمادہ کرنے کیلئے کوشاں تھے، انھوں نے کہاکہ میرے لیے اس فیصلے تک پہنچنے کے عمل کو الفاظ میں بیان کرنا کافی مشکل ہے، گزشتہ 6ماہ سے یہ بات میرے ذہن میں تھی کہ ایسا ہونے والا ہے، میں ہمیشہ ہی ذہنی طور

پر کافی مضبوط رہا ہوں اور ہر صورتحال کا ڈٹ کر سامنا کیا ہے۔کک نے اپنے اس فیصلے کے بارے میں میچ سے قبل کپتان جوئے روٹ اور ہیڈ کوچ ٹریور بیلس کو بتایا جبکہ باقی کھلاڑیوں کو ان کی چوتھے ٹیسٹ کے بعد جذباتی تقریر سے علم ہوا تھا، اس موقع پر آنکھوں سے آنسو بھی چھلک پڑے تھے۔الیسٹر کک نے کہا کہ جب میں نے ساتھی کھلاڑیوں کو بتایا تو بالکل خاموشی چھا گئی پھر معین علی نے کچھ کہا جس پر ایک قہقہہ پڑا اورسب نارمل ہوگیا۔

موضوعات:الیسٹر کک