جمعہ‬‮ ، 04 اپریل‬‮ 2025 

پاکستان کا دورہ کرنے والی ویسٹ انڈین ٹیم کافی متوازن ہے ،شعیب ملک

datetime 31  مارچ‬‮  2018
ہمارا واٹس ایپ چینل جوائن کریں

کراچی(این این آئی) پاکستان کرکٹ ٹیم کے سینئر آل راؤنڈر شعیب ملک نے کہا ہے کہ پاکستان کا دورہ کرنے والی ویسٹ انڈین ٹیم کافی متوازن ہے ٗامید ہے شائقین کو اچھا مقابلہ دیکھنے کو ملے گا۔کراچی کے نیشنل اسٹیڈیم میں میڈیا سے گفتگو کرتے ہوئے شعیب ملک نے کہا کہ وہ کیریبئن پریمیر لیگ کا حصہ ہیں اور انہیں اندازہ ہے کہ پاکستان کا دورہ کرنے والی ویسٹ انڈین ٹیم میں اچھے کھلاڑی شامل ہیں۔

انہوں نے کہا کہ ویسٹ انڈیز کے خلاف 3 ٹی ٹوئنٹی میچز کی سیریز میں پاکستان کو ہوم ایڈوانٹج ہوگا تاہم مہمان ٹیم سخت مقابلہ دیکھنے کی صلاحیت رکھتی ہے۔پاکستان اور ویسٹ انڈیز کے درمیان تین ٹوئنٹی میچز کی سیریز یکم ، دو اور تین اپریل کو کراچی کے نیشنل اسٹیڈیم میں کھیلی جائے گی۔کراچی میں طویل عرصے بعد انٹرنیشنل کرکٹ کی واپسی کے حوالے سے گفتگو کرتے ہوئے شعیب ملک نے کہا کہ کراچی پاکستان کا سب سے بڑا شہر ہے، ملک کی معیشت یہاں سے چلتی ہے، یہاں کرکٹ ہونا اچھا اشارہ ہے جس پر کراچی کے لوگوں اور پی سی بی کو مباردکباد دیتا ہوں۔انہوں نے کہا کہ ہم سب نے کراچی میں کرکٹ کو مِس کیا، لوگوں نے بھی بہت کرکٹ کو مِس کیا، کوشش کریں گے کہ دنیا کو یہ پیغام دیں کہ یہاں کرکٹ ہوسکتی ہے، یہاں کے لوگ بہت پیار کرنے والے ہیں۔شعیب ملک نے کہا کہ پی ایس ایل میں بھی غیر ملکی پلیئرز کراچی میں کھیل کر خوش ہوئے۔ان کا کہنا تھا کہ فرنچائز کرکٹ میں وہ دباؤ نہیں ہوتا جو انٹرنیشنل کرکٹ میں ہے، نوجوان کھلاڑیوں میں نکھار آنا کافی معنی رکھتا ہے، بطور سینئر کوشش کرتا ہوں کہ بہتر سے بہتر اور تسلسل سے پرفارم کروں۔شعیب ملک نے کہا کہ سینئرز کی ذمہ داری صرف اپنی کارکردگی نہیں ہوتی بلکہ انہیں جونیئرز کو بھی ساتھ لے کر چلنا ہوتا ہے۔شعیب ملک نے کہا کہ میں خود کو آل راؤنڈر ہی سمجھتا ہوں، اگر ضرورت پڑی تو بولنگ کراؤں گا۔

پی ایس ایل سے قومی ٹیم میں شامل ہونے والے کھلاڑیوں کے حوالے سے گفتگو کرتے ہوئے شعیب ملک نے کہا کہ پی ایس ایل کے پلیئرز کی سلیکشن کافی اچھی ہے، فہیم اشرف، فخر زمان اور حسن علی میں وہ جھلک ہے جو ماضی کے اسٹارز میں تھی۔شعیب ملک نے کہا کہ محمد حفیظ کی غیر موجودگی میں وہ اسپن آل راونڈر کا کردار ادا کرنے کیلئے تیار ہیں، کیریئر کے اس دور میں اب وہ اپنے بیٹنگ آرڈز کے بارے میں نہیں سوچتے بلکہ ان کی کوشش ہوتی ہے کہ وہ جونیئرز کو گروم کریں۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…