کراچی(آئی این پی)پاکستان سپر لیگ کے بعد پاک فوج کے شعبہ تعلقات عامہ(آئی ایس پی آر )کے ڈائریکٹر جنرل(ڈی جی)قومی کرکٹ ٹیم کے سابق کپتان شاہد آفریدی کے گھر پہنچ گئے ۔سماجی رابطے کی ویب سائٹ پر پی ایس ایل فرنچائز کراچی کنگز کی ٹیم کے اہم کھلاڑی اور پاکستانی کرکٹ ٹیم کے سابق کپتان جارحانہ بلے باز شاہد آفریدی نے کراچی میں اپنی رہائشگاہ پر ڈی جی آئی ایس پی آر میجر جنرل آصف غفور کو دعوت پر بلایا ۔میجر جنرل آصف غفور اور اور دیگر کو اپنے گھر دعوت کے موقع پر
شاہد آفریدی کی جانب سے پٹھانوں کی روایت کے مطابق نیچے بٹھا کر کھانا کھلایا جس کے بعد تمام مہمانوں نے تصاویر بنوائیں۔ آفریدی نے بعدازاں اپنے فیس بک اکانٹ پر تصاویر شیئر کیں اور لکھا کہ دوستوں کے ساتھ بہت اچھا وقت گزرا۔خیال رہے کہ ڈی جی آئی ایس پی آر ان دنوں کراچی میں موجود ہیں جبکہ پاک فوج نے کراچی میں پاکستان سپر لیگ کے تیسری ایڈیشن کا فائنل کرانے میں کلیدی کردار ادا کیا۔ شاہد آفریدی کے مداحوں کی جانب سے ڈی جی آئی ایس پی آر کی مہمان نوازی کرنے سوشل میڈیا پر خوب سراہا گیا۔
