کراچی(آن لائن)پی ایس ایل فائنل کو دیکھنے کیلئے پورا کراچی امنڈ آیا،سڑکیں سنسان اور بازار ویران ہوگئے ،شائقین کرکٹ کی اکثریت نے صبح سویرے سے ہی نیشنل اسٹیڈیم کا رخ کیا،جبکہ اس موقع پر شہر میں ہو کاعالم ہے اور سڑکیں بالکل سنسان ہیں،ٹریفک نہ ہونے کے برابر ہے،جو شائقین کرکٹ خوش قسمتی سے فائنل کا ٹکٹ لینے میں کامیاب رہے ،انہوں نے نیشنل اسٹیڈیم کارخ کیا،جبکہ جو شائقین فائنل کا ٹکٹ نہ لے سکے ،
ان کیلئے کراچی کے مختلف علاقوں میں سیاسی و سماجی تنظیموں کی جانب سے بڑی اسکرینیں نصب کی گئی ہیں، ،جہاں پر وہ اپنے دوست احباب کے ہمراہ میچ سے محظوظ ہوں گے ، آرٹس کونسل میں پی ایس ایل فائنل کیلئے اوپن ایئر تھیٹرلگایاجائیگا،سینٹرل جیل کراچی میں فائنل میچ کیلیے بڑی اسکرین لگائی جائے گی،اس کے علاوہ اکثر شہری اپنے گھر پر موجود ٹی وی پر میچ لائیو دیکھیں گے،فائنل کے موقع پر شہر کو دلہن کی طرح سجادیا گیا ہے ،نیشنل اسٹیڈیم کے اطراف میں کھلاڑیوں کے بڑے بڑے پوسٹر بھی آویزاں کئے گئے ہیں ،جبکہ عوام کی بڑی تعداد اپنی اپنی پسندیدہ ٹیموں کی ٹی شرٹ پہنے اسٹیڈیم کا رخ کررہی ہے ،جبکہ شائقین کرکٹ کی جانب سے اس موقع پر اپنی اپنی ٹیم کے حق نعرے بازی بھی دیکھنے میں آئی ہے ،سیکیورٹی کے انتظامات بھی مکمل ہوچکے ہیں ،نیشنل اسٹیڈیم کاکنٹرول رینجرز نے سنبھال لیا ہے ۔نیشنل اسٹیڈیم کے اطراف کے روٹس پربھی اہلکارتعینات ہیں ،پارکنگ ایریامیں بھی ایس ایس یوکے جوان تعینات ہیں،اسٹیڈیم کے اطراف ایس ایس یوکے جوان موٹرسائیکل پرگشت کرررہے ہیں ،ایسٹ زون کے6 ہزاراہلکارسیکیورٹی پرمامور ہیں ،جبکہ ایس ایس یوکے 806 کمانڈوزبھی سیکیورٹی پرمامور ہیں۔
