شارجہ (مانیٹرنگ ڈیسک) پاکستان سپر لیگ جو کہ دبئی میں اس وقت جاری ہے، اس ٹورنامنٹ میں لاہور قلندرز کی ٹیم اب تک جیت کا ذائقہ نہیں چکھ سکی ہے۔ اس کے علاوہ فواد رانا جو کہ لاہور قلندرز کے مالک ہیں ابھی تک حوصلہ نہیں ہارے ہیں ان کا ان شکستوں کے باوجود کہنا ہے کہ

لاہور قلندرز کی ٹیم کم بیگ کرے گی، انہوں نے ایک نجی ٹی وی چینل سے بات چیت کرتے ہوئے عمر اکمل کے بارے میں ایسی بات کہہ دی کہ سن کر وہ بھی پانی پانی ہو جائیں گے۔ فواد رانا نے کہا کہ مجھے یقین ہے کہ ٹیم کم بیک کرے گی اور میں سمجھتا ہوں کہ کل میری ٹیم ہاری ہے لیکن لاہور جیتا ہے، انہوں نے کہا کہ سلمان ارشاد کا ڈیبیو تھا، آغا سلمان کھیلا ہے، تو میرے لیے اطمینان کی بات ہے کہ نیا ٹیلنٹ آگے آ رہا ہے۔ سلمان کی پہلی گیند پر مصباح الحق کا آؤٹ ہونا بہت بڑی بات ہے۔ جب ان سے عمر اکمل کے بارے میں سوال کیا گیا تو انہوں نے کہا کہ میرا یہ ماننا ہے کہ نوجوان لڑکے ہی پاکستان کا مستقبل ہیں اور مجھے پورا یقین ہے کہ عمر اکمل کم بیک کرے گا۔ فواد رانا کے اس بیان کو شائقین کرکٹ نے ان کا بڑا پن قرار دیا ہے کیونکہ عمر اکمل کی طرف سے انتہائی غیر سنجیدہ کھیل کا مظاہرہ دیکھنے میں آ رہا ہے۔  پاکستان سپر لیگ جو کہ دبئی میں اس وقت جاری ہے، اس ٹورنامنٹ میں لاہور قلندرز کی ٹیم اب تک جیت کا ذائقہ نہیں چکھ سکی ہے۔ اس کے علاوہ فواد رانا جو کہ لاہور قلندرز کے مالک ہیں ابھی تک حوصلہ نہیں ہارے ہیں ان کا ان شکستوں کے باوجود کہنا ہے کہ لاہور قلندرز کی ٹیم کم بیگ کرے گی