اسلام آباد(مانیٹرنگ ڈیسک) برازیلین سٹار فٹبالر رونالیڈینیو کو پاکستانی ویزہ جاری کردیا گیا ۔ سٹار فٹبالر کو 90 دن کیلئے ویزہ جاری کیا گیا ہے۔تفصیلات کے مطابق سٹار فٹبالر 7 جولائی کو اسلام آباد ایئرپورٹ پر اتریںگے۔پروگرام کے مطابق وہ 8 جولائی کو کراچی اور 9 جولائی کو لاہور میں میچ کھیلیں گے۔ فٹبال ایسوسی ایشن کا ذرائع کا کہناہے کہ رونالیڈینیو کے پاکستان آنےکا مقصد فٹ بال کے کھیل کو فروغ دینا ہے ۔
واضح رہے پاکستان فٹ بال کے میدان میں غریب ترین ممالک کی فہرست میں بھی سب سے آخر میں میں آتا ہے۔رونالڈینو دنیائے فٹبال کے ایک مشہور برازیلی کھلاڑی ہیں۔رونالڈینو21 مارچ 1980 کو پورتو الیگرے برازیل میں پیدا ہوا۔رونالڈینو موجودہ دور کے ایک بڑے اہم فٹ بال کھلاڑی ہیں جن کا کھیلنے کا انداز عام کھلاڑیوں سے ہٹ کر ہے، رونالڈو 2004 اور 2005 میں لگا تار دو بار سال کا بہترین فٹ بال کھلاڑی منتخب ہوئے۔
