اسلام آباد(مانیٹرنگ ڈیسک)ٹیکنالوجی کے دور میں آج جب کیمرے اس قدر عام ہو چکے ہیں کہ کوئی بھی واقعہ ہوکیمرے کی آنکھ اسے محفو کر لیتی ہے ۔ ایسا ہی ایک واقعہ پی ایس ایل کے دوران پیش آیا جب کراچی کنگز اور پشاور زلمی کے میچ کے دوران تماشائی نے گیل کے جوتے کے تسمے باندھنے پرآفریدی پردلچسپ جملہ کس ڈالا۔

تفصیلات کے مطابق پاکستان سپر لیگ میں کراچی کنگز اور پشاور زلمی کے میچ کے دوران کراچی کنگز کےبلے باز کرس گیل کے جوتے کا تسمہ کھل گیا جسے باندھنے کیلئے جب پشاور زلمی کے شاہدآفریدی جو کہ اس وقت فیلڈنگ کر رہے تھے آئے اور جوتے کا تسمہ باندھ رہے تھے تو گرائونڈ میں لگے مائیک نے ایک تماشائی کا نہایت دلچسپ جملہ جو شاہد آفریدی اور پشاور زلمی پر کسا گیا محفوظ کر لیا۔ تماشائی نے کرس گیل کا تسمہ باندھتے شاہد آفریدی کو کہا کہ ’’وہ دیکھو آفریدی نے گیل کے پائوں پکڑ لئے‘‘۔

موضوعات:شاہد آفریدی کرس گیل