نئی دہلی(نیوز ڈیسک) سابق بھارتی بیٹسمین وریندر سہواگ نے انکشاف کیا کہ ٹنڈولکر نے ملتان میں انھیں بیٹ سے مارنے کی دھمکی دی تھی۔انھوں نے ایک انٹرویو میں کہا کہ ملتان ٹیسٹ میں ہمارے درمیان بڑی شراکت ہوئی جب میں نے چوتھا چھکا رسید کیا تو ٹنڈولکر میرے پاس آئے اور کہا کہ اگر اب تو نے سکسر جڑا تو میں بیٹ سے ماروں گا، اس وقت میری سنچری مکمل ہوئی تھی، میں نے 295 رنز تک پہنچنے کے دوران پھر چھکا نہیں جڑا، جب میں 295 تک پہنچا تو میں نے ٹنڈولکر سے کہا کہ اگر ثقلین آئیگا تو میں چھکا لگاؤں گا، پھر ایسا ہی ہوا میں نے ثقلین کی گیند کو باؤنڈری کے باہر اچھال کر اپنی ٹرپل سنچری مکمل کی۔