کرائسٹ چرچ (نیوز ڈیسک)کرائسٹ چرچ میں کھیلے جانے والے دوسرے ایک روزہ کرکٹ میچ میں نیوزی لینڈ نیمارٹن گپٹل کی جارحانہ بلے بازی کی بدولت سری لنکا کو دس وکٹوں سے شکست دے کر سیریز میں دو، صفر کی برتری حاصل کر لی ہے۔ گپٹل نے 93 اور لیتھم نے 17 رنز کی اننگز کھیلی اور دونوں اوپنر آو¿ٹ نہیں ہوئے۔پیر کو کھیلے جانے والے دوسرے ایک روزہ میچ میں سری لنکا نے ٹاس جیت کر پہلے کھیلنے کا فیصلہ کیا تو پوری ٹیم مقررہ 50 اوورز میں صرف 117 رنز بنا کر آو¿ٹ ہوگئی۔آغاز سے ہی سری لنکا کی وکٹیں وقفے وقفے سے گرتی رہیں اور کوئی بھی بلے باز بڑی اننگز کھیلنے میں ناکام رہا۔نیوزی لینڈ کی جانب سے میٹ ہینری نے چار اور مک کلینیگن نے تین کھلاڑیوں کو آو¿ٹ کیا۔میزبان ٹیم نے 118 رنز کا ہدف باآسانی صرف 8.2 اوورز میں بغیر کسی نقصان کے ہی حاصل کر لیا۔اوپنر مارٹن گپٹل نے جارحانہ انداز اپناتے ہوئے 17 گیندوں پر نصف سنچری سکور کی جس کے بعد وہ نیوزی لینڈ کی جانب سے تیز ترین سنچری سکور کرنے والے کھلاڑی بن گئے ہیں۔انھوں نے 30 گیندوں پر 93 رنز کی ناقابل شکست اننگز کھیلی جس میں نو چوکے اور آٹھ چھکے شامل تھے۔اس قبل کرائسٹ چرچ میں ہی کھیلے گئے پہلے ایک روزہ میچ میں نیوزی لینڈ نے سری لنکا کو سات وکٹوں سے شکست دی تھی۔دونوں ٹیموں کے درمیان پانچ ایک روزہ میچوں کی سیریز کا تیسرا میچ 30 دسمبر کو کھیلا جائے گا۔