کراچی(ویب ڈیسک)پاکستان کرکٹ ٹیم کی ٹی 20 میں حالیہ خراب اور مایوس کن کارکردگی کے باجود پاکستانی ٹیم کے کپتان شاہد آفریدی کہتے ہیں کہ پاکستان کی موجودہ ٹیم بھارت میں ہونے والے آئی سی سی ورلڈ ٹی 20 میں سیمی فائنل کھیلنے کی صلاحیت رکھتی ہے۔ سینئرز کو ذمے داری لینا ہوگی جبکہ جونیئرز کو بھی میدان میں ٹیلنٹ دکھانا ہوگا۔ انہوں نے اور شائقین کرکٹ کو دلاسہ دیتے ہوئے کہا کہ بھروسہ کریں ،ہم پرانی اپنی ناکامیوں کا ازالہ کرتے ہوئے آپ کی توقعات پر پورا اتریں گے۔ وہ جمعرات کو نمائندہ جنگ کو خصوصی انٹر ویو دے رہے تھے۔ ورلڈ ٹی ٹوئنٹی میں پاکستان اور بھارت 19مارچ کو دھرم شالا میں مدِ مقابل ہوں گی۔ شاہد آفریدی نے کہا کہ پاکستان کو انگلینڈ کے خلاف تینوں میچوں میں شکست ہوئی۔ ہمارے ابتدائی 6بیٹسمین اس سیریز میں ناکام ہوتے رہے۔ ہم نے اسکول اور کلب کرکٹ انداز میں اپنی وکٹیں گنوائیں۔ ٹورنامنٹ میں اب ساڑھے تین ماہ کا وقت باقی ہے۔ مجھے ہیڈ کوچ وقار یونس اور چیف سلیکٹر ہارون رشید کو علم ہے کہ 13،14کون سے کھلاڑی ہوں گے جو ٹی ٹوئنٹی ورلڈ کپ میں جائیں گے