اسلام آباد(آئی این پی)پاکستان سپرلیگ کے پہلے ایڈیشن کے انعقاد قریب آتے ہی ملکی شائقین کے جوش و جذبے میں نمایاں فرق آگیا ہے،ہر طرف پی ایس ایل کی باتیں ہورہی ہیں ،دیوانوں پر اس وقت کرکٹ کا جادوسرچڑھ کر بول رہاہے پشاور زلمے نے مقبولیت میں دیگر تمام حریف فرنچائزڈکو پیچھے چھوڑ دیا ہے لاہورکی نیشنل اکیڈمی میں ہونے والی ڈرافٹنگ اور نیلامی کے بعد تمام فرنچائزڈنے اپنی ٹیموں کو تقریباً حتمی شکل دیدی ہے۔ کھلاڑی خریدنے کے بعد سبھی ٹیموں نے سوشل میڈیا پر اپنی تشہیرکا عمل بھی تیز کردیاہے تاہم بوم بوم شاہد آفریدی کی وجہ سے پشاور زلمی کی ٹیم مقبول ترین سائیڈ بن گئی ہے۔فیس بک پر پشاورزلمی نے سب کو مات دیتے ہوئے محض دوسرے دن ہی 81ہزار لائکس حاصل کرلئے ہیں جس کی وجہ خالصتاً شاہد آفریدی ہیں جنہیں کارکردگی سے قطع نظر ملکی شائقین کی بہت بڑی تعداد پسند کرتی ہے۔اس طرح مصباح الحق کی موجودگی میں اسلام آباد یونائیٹڈ مقبولیت دوسرے نمبرپر رہی ہے جسے 57000لائکس ملے ہیں۔دوسری جانب،لاہورقلندر نے 42ہزار لائکس حاصل کرکے ثابت کیاہے کہ ا±س کے چاہنے والے بھی کم نہیں تاہم کراچی کنگز اور کوئٹہ گلیڈی ایٹرزکو تاحال سوشل میڈیا پر بہت زیادہ پذیرائی نہیں ملی ہے۔