لاہور(نیوز ڈیسک) شہریار خان نے اعتراف کیاکہ بھارت کی جانب سے تاحال کوئی جواب موصول نہیں ہوا ، اس ہفتے تک جواب کا انتظار کریں ، جب انکار آئے گا تو پھر سوچیں گے کہ کیا کرناہے ؟ میڈیا سے گفتگوکرتے ہوئے شہریار خان نے بھارتی کرکٹ بورڈ سے مطالبہ کیاکہ بھارت سیریز سے متعلق کیاگیا معاہدہ پورا کرے ، ایم او یو کے تحت سیریز کھیلناچاہتے ہیں ، اب وقت بہت کم ہے ، انتظامات کرنا بھی مشکل ہے ، پہلے شیڈول پر عمل درآمد ممکن نہیں رہا، شیڈول کے مطابق بھارت سے پانچ میچ کھیلنے کی بات ہوئی تھی لیکن تاحال کوئی حتمی جواب نہیں ملا۔ یادرہے کہ پی سی بی حکام سیریز کے لیے بے تاب ہیں لیکن بھارتی حکام ہاتھ پکڑانے کو تیار نہیں جبکہ ٹی 20ورلڈکپ کا بھی اعلان کردیاگیااورآئی سی سی نے بھی اعلان کیاہے کہ پاکستان اگر فائنل میں گیاتو ممبئی کی بجائے نئی دہلی میں منتقل کردیاجائے گا۔