دبئی (آن لائن) انٹر نیشنل کرکٹ کونسل (آئی سی سی ) نے بھارتی سپنر شیکھر دھون کا باو¿لنگ ایکشن مشکوک قرار دے دیا ہے۔ 30سالہ شیکھر دھون نے جنوبی افریقہ کے دہلی ٹیسٹ کے چوتھے روز 3اوور کرائے تھے جس کے بعد فیلڈ امپائرز کمار دھر ما سینا اور بروس اوکسنفورڈ نے ان کا باو¿لنگ ایکشن مشکوک قرار دیتے ہوئے رپورٹ میچ ریفری جیف کرو کو جمع کر وا دی جس کی ایک کاپی بھارتی کرکٹ ٹیم کے منیجر کو بھی دی گئی۔شیکھر دھون کو ا ب 14دن کے اندر اندر آئی سی سی کی کسی بھی منظور شدہ لیب میں اپنا باو¿لنگ ایکشن چیک کروانا ہوگا جہاں ایکشن غیر قانونی نکلنے کی صورت میں ان پر انٹر نیشنل کرکٹ میں باو¿لنگ کروانے کی پابندی عائد کر دی جائے گی۔ دلچسپ بات یہ ہے کہ شیکھر دھون نے اب تک اپنے 19ٹیسٹ میچز میں محض 9اوورز کروائے ہیں۔