شارجہ(نیوز ڈیسک )پاکستان اور انگلینڈ کے درمیان تیسرا اور ا?خری ٹوئنٹی 20 میچ پیر کو شارجہ میں کھیلا جارہا ہے، وائٹ واش کی خفت کا خطرہ گرین شرٹس کے سر پر منڈلانے لگا۔
تفصیلات کے مطابق پاکستان نے انگلینڈ کے خلاف تین ٹوئنٹی 20 میچز کی سیریز کا ا?غاز رینکنگ میں دوسری پوزیشن سے کیا مگر ابتدائی دونوں مقابلوں میں شکست کی وجہ سے سیریز ہارنے کے باعث چوتھے نمبر پر پہنچ چکا، اب ایک اور ناکامی اسے چھٹے نمبر پر دھکیل دے گی، ابتدائی دونوں مقابلوں میں گرین شرٹس کی پرفارمنس انتہائی مایوس کن رہی، اگرچہ دوسرے میچ میں تھوڑی بہتری دکھائی دی مگر عمر اکمل کے باو¿نڈری پر غیرمعمولی کیچ کے علاوہ فیلڈنگ ناقص رہی۔ ابتدائی دونوں معرکوں میں 39 سالہ رفعت اللہ مہمند کو بطور اوپنر موقع دیا گیا۔
دلچسپ بات یہ ہے کہ انھوں نے دونوں اننگز میں 39 رنز ہی اسکور کیے، وہ انٹرنیشنل لیول پر انتہائی تاخیر سے ملنے والے موقع سے کوئی بھی فائدہ نہیں اٹھاسکے۔ شارجہ میں اگر پاکستان نے اضافی اسپن ا?پشن کے ساتھ میدان سنبھالنا چاہا تو پھر بلال ا?صف کو موقع مل سکتا ہے چونکہ سیریز پہلے ہی ہاتھ سے نکل چکی، اس لیے مزید تبدیلیوں کی بھی توقع کی جاسکتی ہے، عامر یامین اور محمد عرفان دونوں میچز نہیں کھیلے۔
دوسری جانب انگلینڈ نے ابتدائی دونوں معرکوں میں اپنے اسکواڈز کے 15کھلاڑیوں کو موقع دیا ہے، اس لیے ا?خری مقابلے کا کمبی نیشن کچھ بھی ہوسکتا ہے، یہ بھی ممکن ہے کہ اب مہمان مینجمنٹ اپنے ان کھلاڑیوں کو دوسرا موقع فراہم کرے جنھوں نے ابھی ایک میچ کھیلا ہے، جیمزونسی اپنی صلاحیتوں کے اظہار میں کامیاب رہے ہیں، وہ سیریز کے بعد ٹیم کے ہمراہ واپس روانہ ہونے کے بجائے یو اے ای میں ہی پاکستان اے کے خلاف سیریز کیلیے انگلینڈ لائنز کو جوائن کریں گے۔
شارجہ کی پچ کافی کھردری دکھائی دے رہی ہے جبکہ آﺅٹ فیلڈ بھی سلو ہوگی، اس لیے لواسکورننگ مقابلہ ہوسکتا ہے۔ انگلینڈ نے ماضی میں 3 ٹوئنٹی 20 میچز پرمشتمل پانچ سیریز کھیلیں اور ایک میں بھی کلین سویپ کا کارنامہ انجام نہیں دے سکا۔ ایک ٹوئنٹی 20 سیریز میں سب سے زیادہ 7 وکٹوں کا اسٹورٹ براڈ کا انگلش ریکارڈ توڑنے کیلیے لیام پلنکٹ کو مزید 2 شکار درکار ہیں، 3 ٹی 20 مقابلوں پر مشتمل سیریز میں سب سے زیادہ 9 وکٹوں کا ریکارڈ جنوبی افریقہ کے ڈیوڈ وائس کے پاس ہے، انھوں نے رواں برس کے ا?غاز میں ویسٹ انڈیز کے خلاف یہ کارنامہ انجام دیا تھا۔
شاہد ا?فریدی نے دبئی میں 15 رنز کے عوض 3 وکٹیں اور 8 بالز پر 24 رنز بنائے تھے، یہ ان کی مختصر ترین فارمیٹ میں 86 میچز پر مشتمل کیریئر کے دوران تیسرا موقع تھا جب انھوں نے ایک ہی مقابلے میں کم سے کم 3 وکٹیں لینے کے ساتھ 20 یا اس سے زائد رنز اسکور کیے۔ انگلش کرکٹر جیمز ونسی کہتے ہیں کہ میں گذشتہ موسم گرما میں ا?ئرلینڈ کے خلاف اسکواڈ میں شامل تھا مگر بارش کی وجہ سے مجھے کھیلنے کا موقع نہیں مل سکا مگر یہاں پاکستان کے خلاف سیریز میں میں ایک ایک لمحے سے دل کھول کر لطف اندوز ہوا ہوں۔