اسلام آباد(نیوز ڈیسک)گلابی گیند کیساتھ کھیلے جانے والے ٹیسٹ میچ کا فیصلہ تیسرے روز ہی ہو گیا ، کینگروز نے پہلا ڈے اینڈ نائٹ ٹیسٹ جیت کر نہ صرف تاریخ میں نام درج کروایا بلکہ کیویز کیخلاف سیریز بھی دو صفر سے جیت لی ایڈیلیڈ میں آسٹریلیا اور نیوزی لینڈ کے درمیان ہونے والے سیریز کے تیسرے اور تاریخ کے پہلے ڈے اینڈ نائٹ ٹیسٹ میچ میں میزبان ٹیم نے میدان مار لیا۔کینگروز کو تیسرے ٹیسٹ کی دوسری اننگز میں جیت کیلئے 187 رنز کا ہدف ملا جو کہ انہوں نے 7 وکٹوں کے نقصان پر حاصل کر لیا۔اس سے قبل دوسرے دن کھیل کے اختتام پر نیوزی لینڈ نے آسٹریلیا کے خلاف اپنی دوسری اننگز میں پانچ وکٹوں کے نقصان پر 116 رنز بنائے تھے جبکہ تیسرے دن ٹیم مزید 92 رنز بنا کر آو¿ٹ ہو گئی۔جواب میں آسٹریلیا کی جانب سے اوپنر ڈیوڈ وارنر نے جارحانہ انداز میں کھیلتے ہوئے 35 رنز بنائے تاہم تین وکٹیں جلدی جلدی گر گئیں لیکن پھر شوان مارش اور مچل مارش کی عمدہ بیٹنگ نے آسٹریلیا کو فتح سے ہمکنار کر دیا۔ آسٹریلیا کے جانب سے ہیزل وڈ نے 70 رنز کے عوض چھ وکٹ لیں جبکہ مچل مارش کو تین وکٹیں ملیں۔اس سے قبل نیوزی لینڈ کے کپتان نے ٹاس جیت کر پہلے بیٹنگ کا فیصلہ کیا تھا تو پوری ٹیم میچ کے پہلے روز 202 رنز بنا کر آو¿ٹ ہوگئی تھی ، جبکہ آسٹریلیا کی پوری ٹیم بھی اپنی پہلی اننگز میں 224 رنز بنا کر آو¿ٹ ہو گئی تھی۔