ایڈیلیڈ(نیوز ڈیسک) نیوزی لینڈ کے خلاف تیسرے اور فیصلے کن ٹیسٹ میں ناتھن لیون کوملنے والی ’لائف لائن‘ سے نیا تنازع کھڑا ہوگیا، ناقص امپائرنگ کے ساتھ ایک بار پھر ڈی ا?ر ایس پر انگلیاں اٹھنا شروع ہوگئیں۔تفصیلات کے مطابق ایڈیلیڈ میں جاری ڈے اینڈ نائٹ ٹیسٹ کے دوسرے روز جب ا?سٹریلوی ٹیم کے 118 رنز پر 8 وکٹیں گرچکی تھیں تب مچل سانتنیر کی گیند پر گیند لیون کے بیٹ سے ٹکرا کر کندھے کو چھوتی ہوئی سلپ میں موجود فیلڈر کے ہاتھوں میں چلی گئی۔کیویز کی اپیل امپائر ایس روی نے مسترد کردیا، جس پرمہمان کپتان برینڈن میک کولم نے ریویو لیا، انھیں یقین تھا کہ ا?سٹریلیا کی نویں وکٹ بھی گرچکی ہے مگرآو¿ٹ کا فیصلہ کرنے کیلیے درکار کئی شواہد ہونے کے باوجود تھرڈ امپائر نجل لیونگ الجھن کا شکار رہے، پانچ منٹ تک ری پلیز کا جائزہ لینے کے بعد لیونگ نے فیلڈ امپائر روی کا فیصلہ برقرار رکھا۔دلچسپ بات یہ ہے کہ ہاٹ اسپاٹ سے گیند بیٹ سے ٹکرانے کی نشاندہی بھی ہورہی تھی مگر تھرڈ امپائر نے سنیکو میٹر پر کچھ ظاہر نہ ہونے کی وجہ سے فیصلہ تبدیل نہیں کیا۔ اس وقت تک لیون خود ہی کریز چھوڑ کر ڈریسنگ روم کی جانب چل چکے تھے جنھیں واپس بلاکر بیٹنگ جاری رکھنے کو کہا گیا، اس کا نیوزی لینڈ کو نقصان یہ ہوا کہ انھوں نے ریویو کے بعد پیٹرنویل کے ساتھ مزید 72 رنز جوڑ کر ٹیم کا ٹوٹل نہ صرف 200 کے پار پہنچایا بلکہ کینگروز پہلی اننگز میں 22 رنز کی برتری حاصل کرنے کے قابل بھی ہوئے۔
شین وارن نے اس بارے میں ٹویٹ کیا کہ یہ ریویو کے پانچ منٹ کرکٹ کیلیے انتہائی خوفناک تھے، تھرڈ امپائر کا فیصلہ غلط تھا، انھوں نے لیون کے کریز چھوڑنے کو بھی نظر انداز کیا، یہ انتہائی مضحکہ خیز فیصلہ ہے۔ میتھیوہیڈن نے کہا کہ جب بیٹ پر ہاٹ اسپاٹ کا دھبہ موجود تھا تو تھرڈ امپائر کو اور کیا ثبوت چاہیے تھا، اسکاٹ اسٹائرس نے کہا کہ یہ ڈی ا?ر ایس کی موجودہ طرز کے ناقص ہونے کی ایک اور مثال ہے۔