دبئی (نیوز ڈیسک) پاکستانی ٹی 20 ٹیم کے کپتان شاہد خان آفریدی نے بھارت کو سیریز پاکستان میں کھیلنے کی دعوت دیتے ہوئے کہا ہے کہ اگر پڑوسی ملک کی ٹیم نے کڑے وقت میں ہمارا ساتھ دیا تو یہ پاکستانی شائقین کیلئے خوشی کی بات ہوگی ۔ان کے بقول وینیو کوئی بھی ہو پاک بھارت سیریز لازمی ہونی چاہیئے ۔ انہوں نے کہا کہ حکومتی اور بورڈ کی اجازت کے بعد ہم بھارت میں ورلڈ ٹی 20 کھیلنے سے ہچکچاہٹ کا شکار نہیں ہوں گی ، روایتی حریف ممالک کے عوام کھیلوں کے دلدادہ ہین ، کرکٹ دونوں ممالک کے قربتیں بڑھاتی ہے ، اسے سیاست کی نذر کرنے کے بجائے پاک بھارت ٹیموں کو ہروقت ایک دوسرے سے کھیلنے کیلئے تیار رہنا چاہیئے ۔ پاکستانی شہرہ آفاق آل راﺅنڈر نے مزید کہا کہ ہم انتہائی برے حالات میں بھارت کا دورہ کرچکے ہیں ، انحصار اس بات پر ہے کہ کون کتنا پریشر لے سکتاہے ، ان کا کہنا تھا کہ ہمیں بھارت میں محبت ملتی ہے ، اور شائقین ہمیں کھیلتاہوا دیکھنا چاہتے ہیں ۔