پیر‬‮ ، 22 دسمبر‬‮ 2025 

بارش کی وجہ سے بنگلور ٹیسٹ بے نتیجہ ختم

datetime 18  ‬‮نومبر‬‮  2015 |

بنگلور(نیوز ڈیسک)بھارت اور جنوبی افریقہ کے درمیان بنگلور میں کھیلے جانے والے دوسرے ٹیسٹ میچ کے چار دن بارش کی نذر ہو گئے اور اسے پانچویں دن بغیر کسی نتیجے کے ختم کر دیا گیا۔بھارت کی کرکٹ تاریخ میں شاید یہ پہلا موقع تھا جب کوئی ٹیسٹ میچ چار دن بارش کی نذر رہا اور اسے بالآخر بے نتیجہ قرار دیا گیا۔اس طرح بھارت کو تین میچوں کی اس سیریز میں ایک صفر کی برتری حاصل ہے جبکہ تیسرا میچ 25 نومبر سے ناگپور میں کھیلا جانا ہے۔جنوبی افریقہ کے کپتان ہاشم آملہ نے ٹیسٹ میچ کے چار دن بارش کی نذر ہوجانے پر حیرت کا اظہار کیا اور کہا کہ ’اس میچ کی یہی اہمیت ہے کہ یہ اے بی ڈیویلیئرز کا 100 واں میچ تھا اور انھوں نے اس میں 80 سے زیادہ رنز بنائے۔‘بھارتی کرکٹ بورڈ بی سی سی آئی کی ٹویٹ کے مطابق بدھ کو مقامی وقت کے مطابق ایک بجے امپائروں نے میدان کا آخری بار جائزہ لیا اور کھیل کو ختم کرنے کا اعلان کر دیا گیا۔یہ بارش جنوبی بھارت کے مشرقی ساحل پر طوفانی صورت حال کے نتیجے میں ہوتی رہی اور پڑوسی ریاست تمل ناڈو میں اس کی وجہ سے بہت سے لوگ ہلاک بھی ہو گئے۔بنگلور میں صرف پہلے دن کا کھیل ہو سکا جس دن بھارت نے ٹاس جیت کر جنوبی افریقہ کو بیٹنگ کی دعوت دی اور جنوبی افریقہ کی پوری ٹیم پہلی اننگز میں 214 رنز بنا کر پویلین لوٹ گئی تھی۔جواب میں بھارت نے اپنی پہلی اننگز میں بغیر کسی نقصان کے 80 رنز بنائے لیکن پھر کوئی کھیل نہ ہو سکا۔بھارت کی جانب سے مرلی وجے اور شیکھر دھون نے اننگز کا آغاز کیا اور دونوں بالترتیب 28 اور 45 رنز بنائے۔موہالی میں کھیلے جانے والے پہلے ٹیسٹ میں بھارت نے جنوبی افریقہ کو 108 رنز سے شکست دی تھی۔



کالم



تاحیات


قیدی کی حالت خراب تھی‘ کپڑے گندے‘ بدبودار اور…

جو نہیں آتا اس کی قدر

’’آپ فائز کو نہیں لے کر آئے‘ میں نے کہا تھا آپ…

ویل ڈن شہباز شریف

بارہ دسمبر جمعہ کے دن ترکمانستان کے دارالحکومت…

اسے بھی اٹھا لیں

یہ 18 اکتوبر2020ء کی بات ہے‘ مریم نواز اور کیپٹن…

جج کا بیٹا

اسلام آباد میں یکم دسمبر کی رات ایک انتہائی دل…

عمران خان اور گاماں پہلوان

گاماں پہلوان پنجاب کا ایک لیجنڈری کردار تھا‘…

نوٹیفکیشن میں تاخیر کی پانچ وجوہات

میں نریندر مودی کو پاکستان کا سب سے بڑا محسن سمجھتا…

چیف آف ڈیفنس فورسز

یہ کہانی حمود الرحمن کمیشن سے شروع ہوئی ‘ سانحہ…

فیلڈ مارشل کا نوٹی فکیشن

اسلام آباد کے سرینا ہوٹل میں 2008ء میں شادی کا ایک…

جنرل فیض حمید کے کارنامے(آخری حصہ)

جنرل فیض حمید اور عمران خان کا منصوبہ بہت کلیئر…

جنرل فیض حمید کے کارنامے(چوتھا حصہ)

عمران خان نے 25 مئی 2022ء کو لانگ مارچ کا اعلان کر…