ڈھاکہ (نیوز ڈیسک)پاکستان کی ٹی ٹوئنٹی ٹیم کے کپتان شاہد آفریدی نے اپنی ٹیم کو ہدایت کی ہے کہ انہیں بنگلہ دیش کے خلاف واحد ٹی ٹوئنٹی میچ ہر صورت جیتنا ہو گا، انہوں نے کہا کہ ٹیم کے نام پیغام میں کہا کہ ون ڈے سیریز میں ناکامی کو بھول کر آگے بڑھنا ہو گا۔
پاکستان اوربنگلہ دیش کے درمیان واحد ٹی ٹوئنٹی میچ کل کھیلا جائے گا۔ ون ڈے سیریز میں تین صفر سے شکست برداشت کرنے کے بعد پاکستانی ٹیم کا مورال ڈاﺅن ہے تاہم کپتانی اور چند کھلاڑیوں کی تبدیلی کے بعد ایک بار پھر کامیابی کی امید باندھی لی گئی ہے۔ ٹی ٹوینٹی میں کپتانی شاہد آفریدی کریں گے تاہم بنگلہ دیش کے خلاف ون ڈے سیریز کھیلنے والے سکواڈ کے 9 کھلاڑی ٹی ٹوئنٹی سکواڈ میں بھی شامل ہیں۔ شاہد آفریدی نے آج ہوٹل میں ٹیم کے کھلاڑیوں سے ملاقات کی اور انہیں کہا کہ وہ واحد ٹی ٹوئنٹی میچ ہر صورت جیتنا چاہتے ہیں۔ انہوں نے کھلاڑیوں کو واضح الفاظ میں بتا دیا کہ جو کھلاڑی ٹیم کی بجائے صرف اپنے لئے کھیلے گا اس کی آئندہ ٹیم میں کوئی جگہ نہیں ہو گی۔
مزید پڑھئے:’شاید مریخ پر جاؤں اور کبھی واپس نہ آؤں‘
