ایڈیلیڈ (نیوز ڈیسک)آئی سی سی ورلڈ کپ میں پاکستان اپنا چھٹا اور آخری گروپ میچ 15 مارچ کو آئرلینڈ کے خلاف ایڈیلیڈ اوول میں کھیلے گا۔ پول بی میں بھارت 8 پوائنٹس کے ساتھ سرفہرست ہے پاکستان کیلئے آئر لینڈ کے خلاف میچ بڑی اہمیت کا حامل ہے، فتح کی صورت میں کوارٹر فائنل میں جگہ پکی ہو جائے گی۔ پول بی میں جنوبی افریقہ، پاکستان اور آئرلینڈ چھ چھ پوائنٹس کے ساتھ رن ریٹ کے اعتبار سے بالترتیب دوسرے، تیسرے اور چوتھے نمبر پر ہیں۔ آئرلینڈ کے ابھی دو گروپ میچز باقی ہیں ویسٹ انڈیز اپنا آخری میچ یو اے ای کے خلاف کھیلے گا، آئرلینڈ سے شکست اور ویسٹ انڈیز کی یو اے کی خلاف بھاری مارجن سے فتح گرین شرٹس کیلئے مشکلات پیدا کر سکتی ہیں پاکستانی ٹیم کو کسی پریشانی بچنے کیلئے آئرلینڈ کو شکست دینا ہوگی۔