سڈنی(نیوز ڈیسک) آئی سی سی ورلڈ کپ کے 32 ویں گروپ میچ میں آسٹریلیا نے سری لنکا کو جیت کے لئے 377 رنز کا ہدف دیا ہے جس کے جواب میں سری لنکا کی بیٹنگ جاری ہے۔آسٹریلیا کے سڈنی کرکٹ گراو¿نڈ میں کھیلے جا رہے میچ میں سری لنکا نے ایک وکٹ کے نقصان پر5 رنز بنالئے جب کہ اوپننگ بلے باز لاہیرو تھرمانے دوسرے ہی اوور میں مچل جانسن کی گیند پر وکٹ کیپر کو کیچ دے بیٹھے۔اس سے قبل کینگروز کپتان مائیکل کلارک نے ٹاس جیت کر پہلے بیٹنگ کا فیصلہ کیا جو بیٹسمینوں نے درست ثابت کر دکھایا اور مقررہ 50 اوورز میں 9 وکٹوں کے نقصان پر 376 رنز بنائے۔ جارح مزاج بلے باز گلین میکسویل ایک مرتبہ پھر اپنے رنگ میں دکھائی دیئے اور انہوں نے صرف 53 گیندوں پر 4 چھکوں اور 10 چوکوں کی مدد سے سب سے زیادہ 102 رنز بنائے جب کہ ڈیوڈ وارنر 9، ایرون فنج 24، اسٹیو اسمتھ 72 ، مائیکل کلارک 68، بریڈ ہیڈن 25، مچل جانسن 3 رنز بنا کر آو¿ٹ ہوئے جب کہ جیمس فالکنر اور مچل اسٹارک بغیر کوئی رنز بنائے آو¿ٹ ہوئے۔ سری لنکا کی جانب سے لیستھ ملنگا اور تھسارا پریرا نے 2،2 جب کہ انجلیو میتھیوز، سیکوج پاراسانا اور تلکرانے دلشان نے ایک ایک وکٹ حاصل کی۔