پرتھ(نیوز ڈیسک) ویسٹ انڈیز کے خلاف جمعہ کو ہونے والے عالمی کپ مقابلے کی تیاری کر رہی ہے ‘گزشتہ چمپئین ٹیم انڈیا کے کپتان مہندر سنگھ دھونی نے کہا ہے کہ جب اے بی ڈویلرس اور گرس گیل جیسی صلاحیت والے بلے باز فارم میں ہوتے ہیں تو گیند باز یا کپتان زیادہ کچھ نہیں کر سکتے ۔جنوبی افریقہ کے کپتان ڈویلرس اور ویسٹ انڈیز کے گیل دو ایسے کھلاڑی ہیں جنہوں نے دھونی کی فکر بڑھا ئی ہے اور انہیں ان کے لیے حکمت عملی بنانی پڑے رہی ہے ‘ جنوبی افریقہ کے خلاف ہندوستان ڈویلرس کو تو روکنے میں کامیاب رہا تھا لیکن جمعہ کو دھونی اور ان کی ٹیم کو طوفانی بلے باز گیل کو زمبابوے کے خلاف کارکردگی کو دہرانے سے روکنا ہو گا۔ گیل نے کینبرا میں زمبابوے کے خلاف ڈبل سنچری لگائی تھی۔ دھونی سے جب گیل ‘ڈویلرس اور برینڈن میکولم جیسے کھلاڑی کے خلاف منصوبے بندی کے بارے میں پوچھا گیا تو انہوں نے کہاکہ ان کے خلاف بہترین منصوبہ یہی ہے کہ کوئی منصوبہ ہے۔ انہوں نے کہا ایمانداری سے کہوں تو اگر کوئی کھلاڑی چھکے لگا رہا ہے تو آپ اس کے بارے میں مزید کچھ نہیں کر سکتے کیونکہ آپ اس کے لیے فیلڈنگ نہیں لگا سکتے۔ اگر وہ شارٹ پچ گیندوں کو مارنے لگے تو زیادہ وقت آپ شارٹ پچ گیند پھینکنے کی جنگ میں شکست ہاتھ لگے گی۔ آپ زیادہ کچھ نہیں کر سکتے۔ دھونی نے کہا کہ بلے بازوں کو صرف مختلف قسم ہی سے اکسایا جا سکتا ہے ۔ دھونی نے کہا ہے کہ آپ بلے باز کو چھکانے کی کوشش کرتے ہو ۔ اگرگرس گیل یا ڈویلرس تال میں ہوں تو مجھے لگتا ہے کہ یہ گیند بازوں کو کچھ دوسری چیزوں کو پر کھنے کا موقع دیتا ہے ۔ ٹیم انڈیا کپتان نے کہاکہ جب گیل یا ڈویلرس فارم میں ہوں تو یہ ضروری ہو جاتا ہے کہ مشکل موقعوں کا بھی فائدہ اٹھایا جائے ۔ گیل کافی اچھے فارم میں نہیں ہے لیکن ویسٹ انڈیز ٹیم مینجمنٹ کو امید ہ کہ وہ ہندوستان کے خلاف اچھی کار کردگی کا مظاہر ہ کریں گے۔ گیل نے گزشتہ دن سے مشق نہیں کیا ہے لیکن یہ گزشتہ چند ماہ سے مسلسل کرکٹ کے بعد آرم کی طرح ہیں۔ سابق کپتان ڈیزین سیمی سے جب گیل کے بارے میں پوچھا گیا تو انہوں نے کہا جہاں تک مجھے معلوم ہے سب لوگ فٹ ہیں۔ ہمارے پاس انتخاب کے لیے پوری ٹیم دستیاب ہے۔ گیل کی پیٹھ گزشتہ تین سال سے میرے لیے ایسی ہی ہے۔ وہ میدان پر اتر کر ویسٹ انڈیز کو میچ جتا تا رہا ہے۔ مجھے پتہ ہے کہ فٹ ہونے پر وہ میدان پر اتر کر اپنا سب کچھ جھونک دیتا ہے۔